Werk saam – Wen saam

Sentraal-Suid Koöperasie Bpk bedryf sake in die Wes- en Suid-Kaap, die Overberg asook in die Langkloof en Karoo. Die SSK hoofkantoor is geleë in die skilderagtige dorp, Swellendam. Die onderneming is in 1931 gestig en dien al vir 90 jaar sy lede as ʼn koöperasie; steeds die mees geskikte ondernemingsvorm om sy lede se belange te bevorder.

SSK Handel, met die handelsmerk AgriLand, bied ‘n eenstop landbouonderneming en selfdoen inkopie paradys waar klante begroet word met deskundige, allesomvattende en professionele diens. Met 20 Agriland winkels gevestig in die Wes- en Suid-Kaap, Tuinroete, Langkloof en Karoo verskaf SSK ‘n volledige reeks landbou, huis en tuin, boumateriaal en doen-dit-self produkte. Die produkreeks word gerugsteun deur ‘n Aankope-afdeling wat fokus op gesamentlike aankope en prysonderhandeling ten einde kwaliteit produkte teen uiters mededingende pryse te verskaf. Die SSK Agriland Verpakkingsaanleg is geleë in Haarlem in die Langkloof.

SSK is ‘n belangrike rolspeler in die hantering en opberging van graan produkte in die Wes- en Suid-Kaap en is die grootste hanteerder van canola in Suid-Afrika. Die silo’s op Protem, Swellendam, Ashton, Karringmelksrivier, Heidelberg, Krombeksrivier, Riversdal, Albertinia, Kleinberg depot en Herold is maklik bereikbaar per pad en spoor en is gunstig geleë vir beide graan kopers en verkopers.